البديل برس الأخباري

مواطنة من الولاية الشمالية تكتب عن الراصد الجوي المنذر

شركة شحن

يالمنزر بقيت اخطر من الدعـــامة

ارهبت الخلق بالخوف سلبت منامنة

كل ماجانا ارصادك تجينا قيـــامة

للخوف والهلع أصبحت انت علامة

ود الحاج خلاص الجاتنا منك كافية

خليها البتحصل لينا توصل خافية

انت علي المليشيا مشكلين لنا مافيا

خلونا النعيش باقي العمر في عافية

كل يوم جاي بي اخبار ملانا كآبة

مرة سيول ومرة رياح ومرة سحابة

تم الناقصة اتمرد وخش الغابـــــة

بل الباقي فينا اقرضو بي دبابــــة

يالمنزر اخوي بطل كتابة ووقـــــف

بيك هضربنا راقدين في السرير ونقدف

في عز نومنا نفتح في المجاري نصرِف

ياخي حيطنا بس لو جابو سيرتك ترجف

ود الحاج معاك والله عشنا حكايــــة

كل مايمسي ليل عندك مصايب جايــــة

مرات ريح ومرة ام طرفا بكــــــاية

باكي طرِفنا بي لحمية العينين صبحناعمايا

تحية خاصة للراصد الجوي

المنزر أحمد الحاج

ازاهر بلة

شركة جريس لاند لخدمات الشحن المختلفة

لن نقوم بمشاركة عنوان بريدك الالكتروني، من اجل التعليق يجب عليك ملئ الحقول التي امامها *