البديل برس الأخباري

الاخبار العاجلة

رسالة صحية هامة وبالدارجي – كيف تحموا أنفسكم من وباء الكوليرا

Auth admin
20 Aug, 2024
173

كتبت : رحاب مصطفي اسماعيل /إدارة تعزيز الصحة ولاية سنار

اهلي القاعدين مستقرين في بيوتهم و القاعدين في مراكز الايواء :-

سمعتوا طبعا بحالات الكوليرا المنتشرة الأيام دي و انا عايزة اقول ليكم الوقاية خير من العلاج بالذات بالذات في الفترة دي و كلنا عارفين انو العلاج يكاد يكون معدوم و حتي لو متوفر وسيلة الوصول ليهو اغلب الأحيان بتكون صعبة عشان كدا خلونا نشوف الوقاية اسهل بالنسبة لينا

اول حاجة :

نغسل الخضار والفواكه (ان وجدت) كويس ولو كبينا ملح او خل في مويه الغسيل بيكون أحسن حاجة

تانيا:

نغطي اكلنا وشرابنا من الذباب يعني اي حاجة بتتاكل أو بتتشرب لازم تكون مغطية ومحفوظة بطريقة كويسة قدر الامكان

تالتا:

لازم لازم لازم نغسل يدينا بالموية و الصابون أو بالموية و الرماد في حالة عدم وجود الصابون قبل م نعمل الحاجات دي :قبل نحضر الاكل -قبل م ناكل -قبل م ناكل الاطفال

ولازم لازم لازم نغسل يدينا بالموية والصابون أو الرماد بعد م نعمل الحاجات دي: - قضاء الحاجة سواء إن كان داخل المرحاض (الادبخانة) أو خارجه

- بعد نضافة الاطفال إذا قضو حاجتهم وكل م تحس أنو يدينك اتوسخت

رابعا:

اذا كان موجودة عندنا مراحيض (ادبخانات) نحافظ عليها نضيفة و نقفل الابواب عشان نمنع دخول الذباب و اذا م كانت موجودة نكون حريصين علي دفن البراز بعد قضاء الحاجة عشان نمنع برضو توالد الذباب

مع امنيات الصحة و ا

لعافية للجميع

هل لديك تعليق؟

لن نقوم بمشاركة عنوان بريدك الالكتروني، من اجل التعليق يجب عليك ملئ الحقول التي امامها *

بتول عبد الرحمن الشيخ

رسالة ممتازة واضحة و مهمة أقترح الرسالة الجاية عن العلاج للحالات المصابة خاصة العلاج باستخدام مواد محلية لأنه صعب الحصول على المضادات الحيوية مثلا التركيز على شرب الموية النضيفة ممكن تترك مغطاه لساعات حتى تصبح نقية و الإكثار من شرب العصائر ( ان وجدت) و ذلك حتى لا نصاب بالجفاف جزاك الله خيرا أستاذة رحاب

بحث

الاصناف

معرض الصور

الاشارات

مواقع التواصل

الاخبار المشابهة

حول عهد العدمية .. أي تاريخ سوف يكتب ؟ (٣_٥) ..* رشان اوشي

Auth admin
16 Nov, 2024

الطيب صالح : -

Auth admin
16 Nov, 2024

الطيب عبدالماجد يكتب عن هاشم صديق

Auth admin
10 Nov, 2024

الاخبار العاجلة